नेपाली हास्यव्यङ्ग्य अनलाइन पत्रिका

ज्ञानुवाकर पाैडेल :

लेख्छ किन ऊ कथा ? नभनौँ भो !
भौतारिन्छ सधैं कता ? नभनौँ भो !!

सहनुपर्दा घोचाई फूल टिप्दाको !
आउॅंदोरै’छ किन मजा ? नभनौँ भो !!

नभेट्दा ठाउँ कतैआफ्नो बह पोख्ने !
हुँदोरहेछ कस्तो व्यथा ? नभनौँ भो !!

दिएनन् योगदान यहां जसले केही !
पायो उसैले कसरी चर्चा ? नभनौँ भो !!

गाई मारी आफ्नो सधैं गधा पोस्ने
चलायो कुन्नि कसले प्रथा ? नभनौँ भो !

नपाइए’नि जस अचेल केही लेख्नुको
लाग्छ किन ’ज्ञानु’ यो नशा ? नभनौँ भो !!

०००