नेपाली हास्यव्यङ्ग्य अनलाइन पत्रिका

देवीप्रसाद मिश्र :

विगतकाे गति छैन गयाे पर।
जन परिश्रममा छ सधैँभर ।।
सरल, साेच लिएर उता अब।
सफल वृद्ध बनेर रमाैँ सब ।।१।।

प्रतिपला दिल शान्त हुने गरी ।।
घर बसीकन जप्न सिके हरि।।
कहर भाग्छ सदा मन हाँस्दछ ।
सफल वृद्ध बनी,कद बाँच्दछ।।२।।

जति उँभाे सजियाे घरकाे तलाे।
अनुज थाम्न बढून् अबकाे बलाे।
वय छँदा जति जे गरियाे बल।
सफल वृद्ध बनाैँ अब निश्चल।।३।।

सँग छ एक घडा नहुने झुसी।
मन उदात्त लिएर बनाैँ खुसी।।
कति तनाव लिने र अझै पनि ?।।
सफल वृद्ध बनाैँ मनका धनी ।।४।।

सरल जीवनकाे अबको चुराे ।
सब छ वृद्धसँगै बुझिए कुराे।।
अनुज नै धन हुन् सँगका भनी।।
सफल वृद्ध बनाैँ मनका धनी ।।५।।

०००
काठमाडाैं