नेपाली हास्यव्यङ्ग्य अनलाइन पत्रिका

देवीप्रसाद मिश्र :

सबै बुहारी सुन ज्ञानका कुरा ।
नठान हुन् गन्थन यी सबै झुरा ।।
मुमा र सासू बुझ एकसाथमा ।
नसम्झ सासू , किन बन्दिनन् मुमा ?१।।

विवेक राम्रो नहुँदा यदाकदा ।
छ भेद जस्तो घरबारमा सदा ।।
समानता स्नेह दिने तमाममा।
नसम्झ सासू , किन बन्दिनन् मुमा ?२।।

बनाउनू है दुलही खुसी मन।
नमान सन्ताप कतै कुनै दिन ।।
सबै बुहारी घरका रमा उमा ।
नसम्झ सासू किन बन्दिनन् मुमा ?।।३।।

बनी, बुहारी घरमा परिश्रम ।
गरेर सासू बनिने हुँदा क्रम ।।
समान माया रहने तमाममा।
नसम्झ सासू किन बन्दिनन् मुमा ?।।४।।

अनेक सङ्घर्ष गरी सदाशय ।
हटाउँदै आलयभित्रका भय।।
बुझाउने कर्म वधू,समक्षमा।
नसम्झ सासू किन बन्दिनन् मुमा ?।।५।।

उदात्त सत्चित्त लिई भएजति।
सिकाउँदै पूर्वकला सुसंस्कृति।।
चिनाउने लाेक तथा समाजमा।
नसम्झ सासू किन बन्दिनन् मुमा ?।।६।।

०००
काठमाडाैं