नेपाली हास्यव्यङ्ग्य अनलाइन पत्रिका

देवीप्रसाद मित्र :

कालाे केस फुलेर मात्र भवमा काे हुन्छ पाकाे भन ?।
जाे हुन्छन् हितकार्यमा अनुभवी पाका उनै हुन् जन ।।
बाँड्नेछन् परिपक्व ज्ञानगरिमा आत्मा कलाले छुन।
पाका सारद हुन् विचारपथका चेलाहरू हाे सुन ।।१।।

हिँड्दैनन् धनकाे र रूपबलकाे उन्मादमा सज्जन ।
भित्री साेच पराेपकार छ सदा,हुन्छन् खुलासा मन।।
छर्छन् दीनदयालुमा मनछुने,कल्याणकारी गुण ।।
पाका सारद हुन् विचारपथका चेलाहरू हाे सुन ।।२।।

केही पक्षविपक्ष छैन मनमा निष्पक्षकाे भावना।
अर्पिन्छन् सँगका समस्तजनमा जीवन्त सम्भावना ।।
राम्रो सिक्न सके कला ,कहरमा पर्दैन हामी रुन ।
पाका सारद हुन् विचारपथका चेलाहरू हाे सुन ।।३।।

अप्ठ्यारा प्रतिकूलका समयमा, पर्दा कुनै घातमा ।
हुन्छन् रास उपाय ,छन् यदिभने,पाकाहरू साथमा।।
नाप्ने छैन तुलाे,असङ्ख्य छ ठुलो आपत्ति टार्ने गुण ।
पाका सारद हुन् विचारपथका चेलाहरू हाे सुन।।४।।

कल्ले सक्छ बयान गर्न अहिले शब्दार्थले पुग्छ र ?।
पाकाे छैन भने, सदैव रहने अत्यास हाम्राे घर ।।
यस्ता सज्जनकाे समादरविना मिल्नेछ के सद्गुण? ।
पाका सारद हुन् विचारपथका चेलाहरू हाे सुन ।।५।।

०००
काठमाडाैं