नेपाली हास्यव्यङ्ग्य अनलाइन पत्रिका

देवीप्रसाद प्रसाद मिश्र :

चित्त झुल्छ रङ्गमा वसन्तका प्रभावले।
दङ्ग पर्छ मङ्गले रमाइलो स्वभावले।।
फूल फूलमा सदा, चरी परी रमाउँदा ।
वृद्धमा खुसी फुलोस्,वसन्तले भुलाउँदा।।

साेभिँदा सफा गुराँसले पहाड टाकुरा ।
हर्ष साट्दछन् खुली, समस्त गाउँका भुरा।।
भिन्नभिन्न तालमा मिठास गीत गाउँदा।
वृद्धमा खुसी फुलोस्, वसन्तले भुलाउँदा।।

उष्ण शीत एकनास हुन्छ याे बराबर ।
स्वच्छ वायु नित्यता छ, छैन साथमा डर।।
अन्धकार लाेककाे, हटी, प्रदीप्त छाउँदा।
वृद्धमा खुसी फुलोस्, वसन्तले भुलाउँदा।।

०००
काठमाडाैं