विवेक शर्मा गाैतमअस्तित्व
त्यहाँ विकसित मानव एलिएनको बाक्लो बस्ती छ रे । त्यहाँबाट यहाँ आई उनीहरू फर्केको इतिहास पनि छ । हाम्रा केहि ढुङ्गा र बालुवा पार्टीका सदस्यहरूलाई गिरफ्तार गरेर लगेका छन् । उनीहरूको सङ्ग्रहालय बन्दीको रूपमा समय गुजारी रहेका छन् । उनीहरू निर्जीव वस्तुको रुप धारण गरी आउँछन् ।”
विवेक शर्मा गौतम :
मानवले आफ्नो अस्तित्वको लागि ठाउँ खोजी रहेको छ । चन्द्रयान -३ चन्द्रातलमा ओर्ले पछि ढुङ्गा र बालुवाका कणहरू एक आपसमा कानेखुसी गरे ।
ढुङ्गाले भन्यो- “हेर त ! बालुवा, एलिएन आएर बस्यो । अब यसले के गर्छ है ?हेरौँ ।”
चन्द्रयान नजिकै पुगेर बस्न लागेको थियो । बालुवाको कणहरूले चारैतिर घेरेर स्वागत गरे ।
बालुवाले भन्यो- “यो त हामी जस्तै केहि नबोल्ने पो रहेछ ।”
ढुङ्गाले भन्यो- “यो त हामीलाई अनुसन्धान गर्न आएको हो, बुझिस् लाटा ?”
‘आज अनौठो एलिएन देखा पर्यो’ भन्ने शीर्षकबारे समीक्षा गर्न तीन दलीय ढुङ्गा बालुवा र हावाको बैठक बस्यो । उक्त अनौठो वस्तुबारे व्यापक छलफल गरे ।
ढुङ्गाले भन्यो- यसले के खान्छ होला ? आगोको मुस्लो छेर्दै झरेको पो छ त !
बालुवा बोल्यो- “मलाइ त उडाएर डढाइदियो नै ।”
हावाले भन्यो- “हाम्रो नजिकै पृथ्वी नामको ग्रह छ रे ।” त्यहाँ विकसित मानव एलिएनको बाक्लो बस्ती छ रे । त्यहाँबाट यहाँ आई उनीहरू फर्केको इतिहास पनि छ । हाम्रा केहि ढुङ्गा र बालुवा पार्टीका सदस्यहरूलाई गिरफ्तार गरेर लगेका छन् । उनीहरूको सङ्ग्रहालय बन्दीको रूपमा समय गुजारी रहेका छन् ।
उनीहरू निर्जीव वस्तुको रुप धारण गरी आउँछन् ।”
बालुवाले भन्यो- “उनीहरू आए भने हामी अप्राकृत हुन्छौँ । हाम्रो चन्द्रातललाई उपनिवेश बनाएर हाम्रो अस्तित्व नै मेटाउन सक्छन् ।”
०००
टोखा- ३, काठमाडौं ।
Subscribe
Login
0 Comments
Oldest
