नेपाली हास्यव्यङ्ग्य अनलाइन पत्रिका

विवेक शर्मा गौतम :

फाटेको टोपी र टालेको कमिजले सिलाएको थिति ।
रत्नपार्कको रेलिङ भत्काएर सिलाएको थिति ।
सडक सङ्कमा पत्थर टिपेर सिलाएको थिति ।

गाउँ बस्तिबाट लाठी भाला हसियाँ हतौडाले सिलाएको थिति ।
किसान मजदुर कर्मचारी पत्रकारले सिलाएको थिति ।
विद्यार्थी डाक्टर इन्जिनियर वकीलले सिलाएको थिति ।
चार सात पन्ध्र उन्नाईस सालको
अपरिपक्व त्यान्द्राले सिलाएको थिति ।

सच्चालिस र त्रिसठ्ठीको जनसागरले सिलाएको थिति ।
जनप्रतिनिधि र राजनैतिज्ञले मन्थन गरी सिलाएको थिति ।
आज सबै हरायो ।
आशा उमङ्ग भरोसा च्यातियो, हुँदै छ व्यथिति ।
खोई दुखेको मनलाई शितल बनाउँदै लगेको यहि हो त !
सुमार्गको थिति ?

०००
टोखा, काठमाडौं ।