नेपाली हास्यव्यङ्ग्य अनलाइन पत्रिका

पी पी कोइराला :

“चोर होस्, जाली फटाहा होस तँ ।”
आज देब्रे चोरी औँलाले दाहिने अम्लाको टुप्पै भाँच्दिउँला झैँ गरेर घचेड्दै गाली गर्‍यो ।
“तँ डाकालाई अहिले नै पिडिक्कै पार्दिउँ” दाहिने चोरी औँलाले पनि विचरा अरु निर्दोष चार औँलाको सहयोग लिएर मुड्की उज्यायो । त्यहाँ एकछिन पछि त मुड्का मुड्की चलिहाल्यो ।

तर तीनै दाहिने देब्रे हत्केलाहरू आपसमा मिलेर नमस्तेको रूप लिँदा देश र समाजसँग हाँसेको भान हुन्थ्यो ।
ती दुई चोर अम्लाहरूले आफ्नै शरीर छियाछिया हुने गरी एकअर्कामा मुड्की बजारिरहेको हेर्नेहरूको रमित लागेको थियो । एउटा रमितेले अडकल लायो, “यी दुवै थरी एकछिन पछि ‘हात मिलाई’ खेल्ने छन् अनि झन् अर्को एकछिन पछि त ‘लामा हात गराई’ पनि खेल्ने छन् ।”

०००
धरान