नेपाली हास्यव्यङ्ग्य अनलाइन पत्रिका

अमर सन्तति :

१.
नौटङ्की खेल तमासा हेर्नुस्
जनतामा मरेको आसा हेर्नुस्
मेरो देशको राजनीतिको त्यो
छिनमै पल्टिने पासा हेर्नुस् ।

२.
मोल्दै हात जीहजुरी भनूँ कि क्या हो !
सधैँ चाकरीको माला गनूँ कि क्या हो !
ठूला भन्ने जनको पाइने रैछ, साथ,
अब त म पनि चम्चा बनूँ कि क्या हो !

३.
आफूले नपाउँदासम्म यी गर्दछन् नीतिका कुरा
मिल्काउनु पर्दछ थोत्रा भन्दछन् रीतिका कुरा
पाएपछि ठाउँ खै किन हो ? बिर्सिएर यहाँ सबै ,
नीति र रीति साँच्चै नै ठान्दछन् बिनसित्तीका कुरा ।

०००
रामेछाप, हाल भक्तपुर