नेपाली हास्यव्यङ्ग्य अनलाइन पत्रिका

अमर सन्तति :

१.
झर्नुसम्म झरिसक्यौ अब बाँकी के नै छ र !
हर्नुसम्म हरिसक्यौ अब बाँकी के नै छ र !
लाज पनि लजाइसक्यो तिम्रो कर्मदेखि यहाँ ,
गर्नुसम्म गरिसक्यौ अब बाँकी के नै छ र !

२.
तलमाथि च्यातिएको बेकामे झोला नहोस्
रानो उडेपछिको माहुरीको गोला नहोस्
गड्गडाई हिँडे छिट्टै हराइएला गन्तव्यमै ,
चुलिएको लोकप्रियता खहरे खोला नहोस् ।

३.
दुख्छ प्यारो लिम्पियाधुरा गुन्जी कालीलेक
दुख्छ सुस्ता कालापानी कुटी नाभी लिपुलेक
कुल्चेको छ पराइले आफ्नो भन्दै मेरो भूमि,
दुख्छ मेची महाकाली सारा गाउँ बेशी लेक ।

०००
भक्तपुर