नेपाली हास्यव्यङ्ग्य अनलाइन पत्रिका

अमर सन्तति :

१.
देश आज कर्महारा र अभिशप्त भएछ
खोजीमा छु कहाँ कता देशभक्त गएछ
स्वाभिमानी वीर पूर्खाको आज सन्ततिमा
पानी बग्छ नसाभरी कहाँ रक्त रहेछ ?

२.
छिमेकमा हैकमवाद जासुसीपन चलाउनेलाई
निर्धो ठानी अरुलाई आफ्नो ठालूपन दलाउनेलाई ।
आँट सरकार भर दिन्छौँ अब त्यसै छोड्नुहुन्न,
हामीमाथि सधैँ हेपाहा मिचाहापन फलाउनेलाई ।

३.
युद्ध गर्नु अपराध र मानवतामाथिको प्रहार हो
क्रूरता आफ्नै जाति मानवतामाथिको संहार हो
आफूलाई ठूलो ठान्न मानवता नै त्यो ढलाएर,
जितेँ भन्छ मूर्ख शासक, मानवतामाथिको हार हो ।

०००
भक्तपुर