नेपाली हास्यव्यङ्ग्य अनलाइन पत्रिका

देवीप्रसाद मिश्र :

जनक र जननीका सभ्य उद्यान भित्र ।।
विधिवश अझ छाेरी जन्मने छन् पवित्र ।
सकल अब अँध्यारो दूर भागेर जान्छ।
घरघर जब छोरी रम्दछन् स्वर्ग हुन्छ ॥१।।

मनुज किन नजानी भिन्न ऐश्वर्य खाेज्दै ।
हरिहर छ, पुकार्दाे पुत्रकाे मन्त्र जप्दै ।।
विमति कति जनाऊँ लाेकले नत्र मान्छ ?।।
घरघर जब छोरी रम्दछन् स्वर्ग हुन्छ ॥२।।

विकसित छ समस्या नित्य हेर्दा पलामा ।
कतिपय अझ छाेरी हेपिँदा छन् थलामा ।।
कदर अब नगर्दा चित्त भड्केर रुन्छ ।
घरघर जब छोरी रम्दछन् स्वर्ग हुन्छ ॥३।।

जुन घरबिच छाेरी आउँछिन् जन्मिएर ।
परिधि सब उज्यालो पार्दछिन् हुर्किएर ।।
मधुमय रस घाेली ,शब्दमा प्रेम बग्छ ।
घरघर जब छोरी रम्दछन् स्वर्ग हुन्छ ॥४।।

सकअसक थलामा ख्याल राखेर राम्रो ।
हितकर निज, बन्छन् नित्य आधार हाम्रो।।
हरबखत दयाका बातले चित्त छुन्छ ।
घरघर जब छोरी रम्दछन् स्वर्ग हुन्छ ॥५।।

०००
काठमाडाैं