नेपाली हास्यव्यङ्ग्य अनलाइन पत्रिका

पी पी कोइराला :

“भन, अब तिमीहरू कहाँ जान चाहन्छौ ?”
पृथ्वीमा पुन जन्म लिन आँटिरहेका विश्वका चर्चित नेताहरू मध्ये एउटा लाई ब्रह्माले सोेधे ।

त्यस नेताले भन्यो – “गणतन्त्र एकदम मन पर्छ । म गणतन्त्र भएकै देशमा जान्छु प्रभु ।”

“कस्तो गणतन्त्र भएको देसमा जान्छौ त ?” ब्रह्माले सोध्नु भयो ।

“जनतालाई सपना मात्र देखाउनु पर्ने, ठग्न र झुक्याउन पाइने गणतन्त्र भएको देशमा जान्छु प्रभु !”

“रोज न त एउटा देश म पठाइदिन्छु ।” ब्रह्मा बोले ।

नेताले खुसी प्रकट गर्दै भन्यो, “किन नयाँ रोज्नु पर्‍यो र प्रभु ? हजुरलाई थाहा छ त म जहाँबाट मरेर आएँ त्यहि देसमा पठाइ दिनु नि ।”

“किन त्यस्तो वेथितिको गणतन्त्रतर्फ तिम्रो त्यत्रो मोह ? पन्ध्र सोह्र बर्ष भोगेरै आएको ठाउँमा फेरि जाने तृष्णा रहिरहँदा कहिल्यै तिम्रो मुक्ति हुन्छ र ?” ब्रम्हाले सतर्क गराए ।

“त्यस्तो ठाउँमा नेतागिरी गर्नुको मज्जा नै अलग्गै छ नि प्रभु ! मुक्ति पछि त आनन्द नै आउँदैन नि !”
नेताले निहुरिएर हाँस्दै लाज पचाएरै बोल्यो ।

०००
धरान