गाेपेन्द्रप्रसाद रिजालदेवतालाई
विष्णुको दासी जस्तै देखेँ रित्तो हात खाली थैली विचरा उनी दया जागेर आयो अनि सबै थाँती राखेर आफैँसँग भएको दस रुपियाँको नोट थमाएर आएँ ।
गोपेन्द्रप्रसाद रिजाल :
शिवलाइ आधुनिक बनाउन
डमिले पहिरिए जस्तै
चिटिक्क लुगा किन्नु छ ।
ब्रह्मालाइ पृथ्वी लोकमा
छ फुट जमिन दिनु छ
उता विष्णुलाई
पानीबाट उद्धार गरि
आफ्नै छिमेकी बनाउँनु छ ।
सरस्वतिको सफेद बस्त्र मैलियो
त्यो पनि फेर्नु छ
कालिको तरबार भुत्तियो होला
लट्टे दाइको भाटिमा
सान लगाउनु छ
सबै सबै हतियार वस्त्र
आधुनिक बनाई
बिग्रिएका मति बोकेका
मान्छेको दिमाग भर्नु छ
अदालतमा इमानदारी
कार्यालयमा बफादारी
मान्छे बनाउनु छ
घुसलाइ भुस सम्झिने गरी
पैसा चाहिएको छ
सबैको निकाश
विष्णु पत्नीले बोकेकि होलिन्
यस्तो ठान्दै उनकोमा गएको त
आफैँ पराधिन भै
विष्णुको दासी जस्तै देखेँ
रित्तो हात
खाली थैली
विचरा उनी
दया जागेर आयो
अनि सबै थाँती राखेर
आफैँसँग भएको
दस रुपियाँको नोट
थमाएर आएँ ।
०००
मैतीदेवी, काठमाडौं
Subscribe
Login
0 Comments
Oldest
