लक्ष्मी रिजालरावण राज्य
बच्चाहरू भोकले रोइरहेका थिए । सिपाहीहरू भात खाँदै थिए । गरीबका घरहरू ढलिरहेका थिए, महल झन् चम्किरहेका थिए । एक वृद्ध स्त्री कराइन्, "यो रावण राज्य हो ! यहाँ सत्य मरेको छ ।"
लक्ष्मी रिजाल :
“न्याय कहिले पाइन्छ ?” वृद्ध बाबुले राजासँग सोधे ।
त्यसबेला राजाको सिंहासन अगाडि भिड जम्मा भएको थियो । सबै अन्यायको गुनासो गरिरहेका थिए । एक युवक अगाडि आए । “मेरो पसल बलजफ्ती जलाइयो, राजा ! अपराधीलाई सजाय दिनुहोस् ।”
राजा मुस्कुराए, “शक्तिशाली जो छ, उसैले नियम बनाउँछ ।”
बच्चाहरू भोकले रोइरहेका थिए । सिपाहीहरू भात खाँदै थिए । गरीबका घरहरू ढलिरहेका थिए, महल झन् चम्किरहेका थिए ।
एक वृद्ध स्त्री कराइन्, “यो रावण राज्य हो ! यहाँ सत्य मरेको छ ।”
राजाले ठट्टा गरे, “राम आउला कि ?”
त्यत्तिकै अन्धकार चिर्दै बालकको स्वर आयो, “राम हामी आफैं बन्नुपर्छ !”
०००
२०८१ फाल्गुन ५ गते ।
कञ्चनरूप- १२, प्रगतिटोल, रूपनगर, सप्तरी
Subscribe
Login
0 Comments
Oldest
