नेपाली हास्यव्यङ्ग्य अनलाइन पत्रिका

रातभरि भट्टीमा हुन्छन्
यिनीहरूबाट के आस गर्ने !
खाएको थालमा चुठ्छन्
यिनीहरूबाट के आस गर्ने !

स्रष्टाहरूको कलम भाँच्छन्
यिनीहरूबाट के आस गर्ने !
गीत गाउनेको घाँटी थिच्छन्
यिनीहरूबाट के आस गर्ने !

महिलालाई बन्दूक ताक्छन्
यिनीहरूबाट के आस गर्ने !
चेलीबेटीलाई आँखा गाड्छन्
यिनीहरूबाट के आस गर्ने !

हलो काटेर मुङ्ग्रो बनाउँछन्
यिनीहरूबाट के आस गर्ने !
आफ्नै घरमा आगो लाउँछन्
यिनीहरूबाट के आस गर्ने !

न सपना छ, न योजना छ
यिनीहरूबाट के आस गर्ने !
न भरोसा छ, न विनम्रता छ
यिनीहरूबाट के आस गर्ने !

२०७८ चैत्र २९