नेपाली हास्यव्यङ्ग्य अनलाइन पत्रिका

भोलिलाई हेरि बस्ने
मान्छे सर्बप्रथम छोड्छ आफैसँग कुरा गर्न
आफै देखि डराउँन थाल्छ
ऊ कायर बन्छ
सधैं भिडहरू माझ नै रहन्छ
ऊ भोलिको खुब चाकरी गर्छ
भोलि पनि उसको चाकरीदेखि आजित हुन्छ ।

ऊ लोभी बन्छ,
एक नम्बरको ढोंगी हुन्छ
तर भोलिलाई देखेको मान्छे
भिडहरुमा पनि स्वतन्त्र हुन्छ
घमण्ड रहित हुन्छ ।

ऊ जान्दछ बर्तमानलाई माया गर्न
ऊ बर्तमानलाई आफू हुँ भन्छ
आफूलाई बर्तमान भन्छ ।

ऊ जान्दछ आफैसँग कुरा गरि बस्न
गुनासो रहित
आस रहित
लोभ रहित
छोटो गरि भन्नुपर्दा
प्रेमपूर्ण हुन्छ मान्छे ।

सब खेल यही भोलिको हो
भोलिलाई
कसैले ईश्वर भन्छन्
कसैले ज्ञान भन्छन्
कसैले धन भन्छन्
कसैले समय भन्छन् ।

तर अपसोच भोलि एक शून्य हो
फरक यति मात्र
तिमीले भोलिलाई
देखिरहेका छौ कि,
हेरि मात्र रहेका छौ ।

लम्कीचुहा, कैलाली