नेपाली हास्यव्यङ्ग्य अनलाइन पत्रिका

ण जब झुण्डिँदै गर्छ ताण्डव
ण त हटाउने भन्दथे हिजो
तर बस्यो अझै के गरी लिसो
कति ग-यौँ मरी लेप औषधि
अझ खडा रह्यो चण्ड यो छुसी ।।

ण यदि फाल्नु हो गाण हट्तथ्यो
गन बनी मिठो शब्द बस्तथ्यो
न गणना हुने कृष्ण वित्तको
न डर नै हुने दण्ड चित्तको ।।

छ डुकुलण्ठ जो बन्छ मण्डित
फरफराउने मुण्ड झण्डित
दलहरू बनुन् खण्ड खण्डित
तर उही लुठो बन्छ पण्डित ।।

गण गह्नाउँदै गाँड कोर्दछन्
भटभटाउँदै भाण्ड फोर्दछन्
छ गणतन्त्रको चासनी जुठो
पण तिराउँदै भन्दछन् मिठो ।।

गजमुखे गणाधीशको भुँडी
भरणमै लगे जो थिए मणि
बनिरह्यो यता देश खाण्डव
गण बने खुशी चल्छ ताण्डव ।।

काठमाडौं