नेपाली हास्यव्यङ्ग्य अनलाइन पत्रिका

चिनेर पनि
कसैले चिनेन छेपारोलाई
रङ फेर्छ प्रतिपल
पलमै मुस्कुराउँछ
पलमै गोहीको आँसु झार्छ
यथार्थ हो कि अभिनय
छुट्याउँनै गाह्रो
गफले पहरा फोर्छ
आश्वासनको मनभोग चटाउँछ
रगत लतपतिएको
छेपारोको जिब्रो देखेर पनि
किरा फट्यांग्राले
बुझ्नै सकेनन् सत्य
पल पल उही विषधारी नजिक गैरहेका हुन्छन्
विषधारीलाई जब उनीहरूले चिन्नेछन्
त्यसबेलासम्ममा धेरै ढिलो पो भैसक्छ कि ?

तरहरा (सुन्सरी)