रुद्र ज्ञवालीकविताको मृत्यु
नारामा वितृष्णामा नितम्ब र बक्षस्थलमा नशा र उन्मादमा यो या त्यो फ्रेममा फ्रेमभित्रै मृत बन्छ कविता
भुकम्पको धक्का
ज्वालामुखीको विष्फोट
चट्याङ्गको प्रहार
झरनाको प्रवाह
इन्द्रेणीको सौन्दर्य
फूलको सुवास
सिर्जनाको फसल
पसिनाको गीत
चेतनाको सङ्गीत
जीवन र जगत
मानव र मानवियता
सोंच्छु सबैथोक बोलोस् कविता
कविता जब कैद हुन्छ
वाद र बिचारमा
सुत्र र सिद्धान्तमा
पक्ष विपक्षमा
स्तुति आलोचना
नारामा वितृष्णामा
नितम्ब र बक्षस्थलमा
नशा र उन्मादमा
यो या त्यो फ्रेममा
फ्रेमभित्रै मृत बन्छ कविता
र
मलाई
मृत कविता मन पर्दैन ।
Subscribe
Login
0 Comments
Oldest
