श्याम पाण्डेरेत र महल
गाँसेर विश्वासको धागो इमान्दार रंगहरूको झन्डा र भेष बनाउँला ।
आऊ, सपनाको पुल बाँधौ
र, पुगेर मरुभूमिमा रेतको महल बनाउँला
रहरका तुलहरू वरिपरि झुन्ड्याएर
हाम्रो आफ्नै शहर बनाउंला ।
झोंसेर चोटहरूमा चोट
खुशीको दियो जलाउँला
सिंचाएर परेलीको पानीले
प्रेमिल फूलबारी फुलाउँला ।
जोडेर स्नेह र प्रेमको इँटा
रेतमा चार चौकस उठाँउला
साटेर ममता हावा र हुन्डरीसँग
जलेको सूर्यसँग मित लगाउँला ।
गाँसेर विश्वासको धागो
इमान्दार रंगहरूको झन्डा र भेष बनाउँला
टाढा भन्दा टाढा यो बेइमान शहरको
निष्ठा र नैतिकताको देश बनाउँला ।
आऊ, सपनाको पुल बाँधौ
र, पुगेर मरुभूमिमा रेतका ।
अस्ट्रेलिया
Subscribe
Login
0 Comments
Oldest
