नेपाली हास्यव्यङ्ग्य अनलाइन पत्रिका

टुटेका फुटेका
चोइटिएका उछिट्टिएका
खुइलिएका उब्लिएका
आशे टुहुरा गासे टुहुरा
सबै जुटौँ
अझै अलिकति बाँकि छ
मङ्सिरमा फेरि उठौँ
र फेरि धित मर्ने गरि लुटौँ ।।

बाबा बलत्कारी
व्यभिचारी अत्याचारी
पूर्व क्रान्तिकारी
अहिले कहलिएका भ्रष्टाचारी
सबैमा आह्वान फुकौँ
मिलेर फेरि उठौँ
अलिकति बँचेको छ अझै
आऊ फेरि सबै हामी जुटेर लुटौँ ।।

कम्तिमा एक पटक जेल पसेको
पटक पटक अख्तियारले लखेटेको
भए भ्रष्टाचारको मुद्दा लड्दै गरेको
अनुभवी पहिले पनि देशलाई डसेको
सुटकेस भरेर धन बुझाउन सक्ने
परेको खण्डमा आफ्नै आमालाई टोक्ने
फेरि सबै मिलेर उठौँ
र पिंधै चाटेर यो देशलाई लुटौँ ।।

टोले गुण्डा ठेकेदार
गुण्डा मवाली समाजवादी
नदी ताल बेच्ने राष्ट्रवादी
राष्ट्रिय अन्तर्राष्ट्रिय झुण्डवादी
सबै मिलौँ देश दोहनको महान अभियानमा
फेरि हातेमालो गरौँ
जसो तसो चुनाव जितौँ
बचें खुचेको तिमी हामी मिलेर घिचौँ ।।

आऊ सबै फेरि हामी जुटौँ
अलिकति बाँकि छ पिंधै चाटि यो देश लुटौँ ।।

०००

डार्बिन, अस्ट्रेलिया