किरण अन्जानहाम्रो संविधान
देश ढल्यो भनी तिमी हल्ला फिँजाउने, भित्र भित्र तिमी आफै आगो सल्काउने, देश तिम्रो पेवा होइन बुझ अब नेता, चाँडै लाग्छ अब तिम्लाई साडे सातको बेथा ।
हतारमा बनेको यो हाम्रो संविधान
फलाउने कैले होला एक मुठ्ठी धान
जनता चै दिन दिनै दुब्लाउदै गए
नेता चाहिँ किन होला मोटाउने भए ।
सिंगापुर सुइजरलेण्ड बनाउँछु भन्ने
नेपाललाई श्रीलंका पो बनाउने भए
पेट्रोल र डिजललाई कति घोक्न सक्ने
निमुखाका छातीभरी रिण ठोक्न सक्ने ।
पहिले पहिले माग्ने हुने अहिले टन्नै भए
मर्सिटिज् र टाइ सुटले बडो धन्य भए
गणतन्त्र साधु गाई उन्कै लागि ल्याइयो
बुहारी र सालासाली तन्दुरुस्ती पारियो ।
देश ढल्यो भनी तिमी हल्ला फिँजाउने
भित्र भित्र तिमी आफै आगो सल्काउने
देश तिम्रो पेवा होइन बुझ अब नेता
चाँडै लाग्छ अब तिम्लाई साडे सातको बेथा ।
विराटनगर
मो.९८११३४३९६८
Subscribe
Login
0 Comments
Oldest
