नेपाली हास्यव्यङ्ग्य अनलाइन पत्रिका

पाल्दैछौ सरकार तीन थरिका भोका र नाङ्गा जुटी ।
बस्थे चोर, दलाल, तस्कर मिली यो देश आफै लुटी ।।
कोशीमा जल छैन पश्चिम दिशा बन्दैछ यो भावर ।
नेता शिष्ट विशिष्ट देख्छु अति नै नेपालमा आखिर ।।
१

ओबामा जब बस्छ जागिर गरी सन्तानका खातिर ।
नेता बस्छ यहाँ धनार्जन गरी ठाडो लगाई शिर ।।
के होला र विकास यो मुलुकमा नेता हजारौं थरी ।
नातावाद उचालिदो मुलुकमा आफन्त सारा भरी ।।
२

खाडीमा छ युवा चुहाइ पसिना भोका बने मालिक ।
छोरा भाइ यहाँ सहोदर सबै बन्थे सयौं सालिक ।।
आमाबा सबको छ सालिक यहाँ खै देन केही छ र ।
पानी छैन सुके सबै नगनदी रारा झुकाई भर ।।
३

यी मुस्ताङ मनाङका विकटता रोजेर बेंसी झर ।
यो सैपाल झुकाउने अपि तिमी सोच्दैछ बारा पर ।।
जुम्ला चामल छैन पाँचथरमा खै दाल वा तेल खै ।
तिम्रा यी सरकार तीनहरूमा सद्भावना मेल खै ।।
४

पाटन २ सिलंगा, बैतडी