टङ्कराज ढकाल ‘तितेपाती’उता म्याउँ म्याउँ
फुटाएर मान्छे गरेछन् रजाई जुटाए कुमान्छे छ नारा लगाई भयो सभ्यतामा अविच्छिन्न घाऊ गलेटा सदा झैं गरे म्याउँ म्याउँ ।
रुँदैछन् मुसा यी दुलोमा बसेका
हरामी छ पारा खलोमा पसेका
झरीले गलेका नदेखेर च्याउ
करायो बिरालो उता म्याउँ म्याउँ ।१
अघाएँ नभन्ने अघोरी निकम्मा
बिराएँ न सोच्ने बखेडा र चुम्मा
डराएर भागे लखेटेर झ्याउ
पराया दलाली यता म्याउँ म्याउँ ।२
गरेछन् चलानी बहीदार खाता
लुटेछन् बिहानी लुकाएर नाता
यता कन्दरामा फुलेछन् न ल्याऊ
उनैका मलामी यता म्याउँ म्याउँ ।३
फसेछन् कलोमा नखाऊ भनेको
जनैयुध्द कालो विदेशी रडाको
छ मन्दाकिनीको पखेरा तलाउ
कसैका गुलामी यता म्याउँ म्याउँ ।४
फुटाएर मान्छे गरेछन् रजाई
जुटाए कुमान्छे छ नारा लगाई
भयो सभ्यतामा अविच्छिन्न घाऊ
गलेटा सदा झैं गरे म्याउँ म्याउँ ।५
सुकेका गरामा कुदेछन् सुनामी
र आमा धरामा मसाने अकामी
लुटाएर जम्मै हलेदो छ दाऊ
कुलङ्गार नेता यता म्याउँ म्याउँ ।६
चितवन
Subscribe
Login
0 Comments
Oldest
