नेपाली हास्यव्यङ्ग्य अनलाइन पत्रिका

नगरौँ चियो चर्चो भन्छु
बिग्रेको वानी न हो
खुसुक्क चिहाउन मन लाग्छ
तिमी स्वयम् त होइनौ
त्यो तिम्रो तस्वीर हो
(अ) सामाजिक सञ्जालमा
त्यही तस्वीर हेरेरै भए नि
चित्त बुझाउन मन लाग्छ ।

तिमी साँच्चै सुन्दर हौ कि
तिम्रो तस्वीर मात्र सुन्दर हो
नक्कली तस्वीरको दुनियाँमा
तिमीलाई देख्न पाए थाहा होला
महंगी सस्ती जे जस्ती भए नि
मस्तीको जीवन जिउन
तिमी जस्ती खास्सावाली
अरु खै को पो होली ?

“को हो त्यो नखरमाउली ?”
घरकीले गाला पड्काउली
त्यो चाँहि सारै डर छ
तिम्रो पनि खै के भर छ !
त्यही सामाजिक सञ्जाल
फेरि आफ्नै काल भयो भने !
त्यही भएर तिमीलाई भेट्न
आउने हिम्मतै आएन
नरिसाऊ है खास्सावाली !

क्यानडा