नेपाली हास्यव्यङ्ग्य अनलाइन पत्रिका

राजेन्द्र कार्की :

ए नयाँ वर्ष
भन् त लौ
किन मनाऊँ हर्ष ?
किन मनाऊँ नयाँ वर्ष ?

बाउ पुरानै छन्
आमा पुरानै छन्
अनि,
उही लोग्ने
उही स्वास्नी
कुरोकन्थो उही छ
घुरमा चाहुरे छन्
दुरमा लाहुरे छन्
ए नयाँ वर्ष
भन्त लौं
अनि के छ नयाँ ?
के को हर्ष

के को नयाँ वर्ष ?
किन मनाऊँ नयाँ वर्ष ?

अघांलोमा
पुरानै गर्ल फ्रेन्ड
पुरानै बोइ फ्रेन्ड
उही थोत्रो बात छ
उही थोत्रो रात छ
थकान उही छ
मकान उही छ
अनि,
अनि के छ नयाँ ?
के को हर्ष
के को नयाँ वर्ष ?
किन मनाऊँ नयाँ वर्ष ?

खोर उही छन्
गोठाला उही छन्
बथान उही हुन्
बखान उही हो
उखान उही हो
पात्र उनै हुन्
खल पात्र उनै हुन्
गाँड कोराकोर उही छ
नाक फोरफोर उही छ
अनि के छ नयाँ ?
के को हर्ष
के को नयाँ वर्ष ?
किन मनाऊँ नयाँ वर्ष ?

पुरानै छ नाम
पुरानै छ काम
पुरानै छ दाम
घाम उनै छन्
जुन उनै छन्
विहान उही हो
दिन उही हो
अनि नयाँ के छ ?
केही छैन
अनि के को हर्ष ?
अनि किन मनाऊँ नयाँ वर्षा ?

मैले
माने पनि
नमाने पनि
दुनियाँले माने पछि
श्राद्धेमा बिरालो बाँधेर
फले पनि
नफले पनि
भन्ने प-यो
फलोस फुलोस नयाँ वर्ष
अझ,
नछुटाई भन्ने प-यो
नयाँ वर्ष को शुभकामना ।

०००
२०२५।४।१३
क्यानडा