कोरोना र मान्छे
किन नेगेटिभ भएको प्रमाण खोजिरहेछन् हस्पिटलहरूमा ? बलिया भन्नेहरू किन दुब्ला र निरीह भएका छन् ? किन नकाम छन् सुरक्षा घेरा ? किन बेकाम छन् एके-४७ र एम-१६ ? तिम्रो सहर भित्र ?
शक्तिशाली भनिनेहरू
जाबो एक माईक्रोनभन्दा सानो
कोरोनाबाट
किन भाग्छन् परपर ?
किन ढाकिरहेछन् अनुहार
कालोबजारीको मास्कले ?
किन मार्न सक्तैनन् कोरोनाहरू
गोलिगठ्ठाहरूले ?
पानीका फोहोराहरूले ?
अनि अश्रुग्याँसका सेलहरूले ?
किन खोजिरहेछन् स्यानिटाइजर ?
सन्सारलाई मुठ्ठीमा कस्छु भन्नेहरू
किन खुम्चिएका छन्
घरको चौघेरा भित्र ?
किन बन्दी भएका छन् आइसोलेसनमा ?
किन भागिरहेछन्
बलिया भनाउदाहरू
जाबो ०.००६ भन्दा सानो कोरोनादेखि
कोशौ र कोशौ टाढा…?
किन छेक्दैन कोरोना
तिनका लम्बेतान कारगेटहरूले ?
पोजिटिभ पोजिटिभ भनेर नथाक्नेहरू
किन नेगेटिभ भएको
प्रमाण खोजिरहेछन् हस्पिटलहरूमा ?
बलिया भन्नेहरू
किन दुब्ला र निरीह भएका छन् ?
किन नकाम छन् सुरक्षा घेरा ?
किन बेकाम छन् एके-४७ र एम-१६ ?
तिम्रो सहर भित्र ?
काठमाडौं