लोक सुब्बाझिँगाले छुँदा
जिन्दगी लामो छ, झिँगा, पुतली जस्तै क्या सुन्दर पनि भोग्न सकिन्छ, आखिर मनको कुरा न हो आखिर देख्ने कुरा न हो आखिर झिँगा हैन, आफूले आफूलाई हेर्ने कुरा न हो ।
आज धेरै धेरै बर्षपछि
झिंगाले छुँदा….
मेरो आँगनमा एउटा झिँगा देखें,
ऊ उड्दै आएर मेरो हातमा बस्यो,
मैले एकदम निहालेर हेरेँ-
यस्तो लाग्यो कि यो,
यो पुतलीभन्दा कम राम्रो रहेनछ ।
त्यो खुशीले उफ्रियो,
पुतली जस्तै प्वाँखहरू प़mट्प़mटायो
मैले खुशीले गदगद हुँदै हेरिरहेँ,
मैले खुशीले गदगद हुँदै सुनिरहेँ
उसकै पखेटाका सुरिला आवाजहरू !
म सानु हुँदाको सम्झना आयो,
लस्कर बनेर
झिँगा देख्ने बित्तिकै,
सुन्ने बितिक्कै
हामी पछि लाग्थ्यौँ
यसले कति के बिगार्ने हो अब भनेर ।
जिन्दगी लामो छ,
झिँगा, पुतली जस्तै
क्या सुन्दर पनि भोग्न सकिन्छ,
आखिर मनको कुरा न हो
आखिर देख्ने कुरा न हो
आखिर झिँगा हैन,
आफूले आफूलाई हेर्ने कुरा न हो ।
०००
वर्गेन, नर्वे
Subscribe
Login
0 Comments
Oldest
