छ मोतीप्रति लाख कोटी
रची कलाको युग भिन्न एक, बुट्टा भरी अक्षरमा अनेक, टाढा हुँदा शब्दहरू रुँदैछन्, मोतीविना भानु हराउँदै छन् ।
लेखी सयौँ काव्य सुधा समान
सजाउने काव्यिक आसमान
उत्प्रेरणाका अति उच्च ज्योति
साहित्यमा छन् अनमोल मोती
१
रचेर मिठ्ठा मतला र सेर
शृङ्गारका लाख इँटा थपेर
साहित्यमा मार्ग दिने समुच्च
मोती स्वयंमा इतिहास उच्च
२
हुँदैछ भाषा अलपत्र आज
विवेक अन्धो बहिरो समाज
हुँदैछ आशा अब चूणर् चूणर्
मोतीविना शब्द भएन पूणर् ।।
३
रची कलाको युग भिन्न एक
बुट्टा भरी अक्षरमा अनेक
टाढा हुँदा शब्दहरू रुँदैछन्
मोतीविना भानु हराउँदै छन् ।।
४
खाँचो छ तिम्रो अझ देशलाई
राम्रै छिटो लान्छ कि काल आई
फर्केर आऊ अब एक चोटि
श्रद्धा छ मोतीप्रति लाख कोटी
५
०००
इलाम