नेपाली हास्यव्यङ्ग्य अनलाइन पत्रिका

देशको मुहार फेर्छुु भन्ने धेरै नेता भए
ठुला कुरा गरिगरी सत्ता टेक्दै गए

इतिहास लेख्छु भने भविष्यको नाममा
तर लक्षण देखिएन रचनात्मक काममा

जथाभावी गर्न थाले पद ओगट्या आड्मा
बाह्य ऋणको भार थपे जनताको ढाडमा

बिते वर्ष निरन्तर आश्वासन नै छरी
कथा फेरे अनेकन देशमा घरिघरि

सोझासाझा अल्मल्याए बृहद सपनामा
उपलव्धी कमजोर रह्यो तर बिपनामा

गुनासाका चाङ बढे बिपन्नको माझ
तिनका कुरा सुनिएन पचाउँदै लाज

अहिले तिनै नेता आ’छन् मत माग्दै घर
अब अर्को आश्वासन के दिने हुन् तर ?

तिनीसँग बिगतकोे जवाफ माग्न आँटौं
अनि मात्र आफ्नो मत विवेकपूर्ण साटौं

जानिजानी नदोहर्‍याउँ पहिलेकै भुल
छानौं आउँदो उम्मेद्वार काम अनुकुल ।।

०००