भो नारा लगाऊ
भोट हालिदिनु थियौ हालिदियौ उनका आश्वासनको प्रलोभनमा आफ्नो उनको पर्न लागेको छिँड टालिदियौ उनलाई पाँच वर्षका लागि पालिदियौ यसको बदलामा तिम्रा अभावको ढुङ मार्छन् र !
तिम्रै सहयोगबाट
तिम्रै भोटबाट
जिते अरे बाबैले
तिम्रो अभिमतका लागि
अँघेनामा बसेर कुनै बेला
ढिँडो पनि खाएका थिए
रोटो पनि खाएका थिए
गोरु पनि दाएका थिए
थोत्रा चप्पल पनि लाएका थिए
अब तिम्रो घरभित्र
खुट्टा पसार्छन् र !!
अभाव तिम्रोमा झन् बढेको छ
तिम्रो एक छाक उनले टार्छन् र !!
गरिबी झन् मौलाएको छ
तिम्रो गरिबीलाई पछार्छन् र !!
भो कुरा नगर
हिजोको जस्तो
आकाशबाट तारा झार्छन् र !!
अब तिमीलाई हेर्न आँखा उघार्छन् र !!
जिन्दाबाद र मुर्दाबाको नारा लगाएर
पेटका किरा मारेको छ मारेको छ
बाबैले तिम्रो शत्रुलाई पर सार्छन् र !!
न नाताका पर्यौ न जातका पर्यौ
न सम्धी पर्यौ न ज्वाइँ पर्यौ
तिमीलाई अब सित्तैमा वैतर्णीबाट तार्छन् र !!
भो नारामा र जुलुसमा नहिँड
आफ्नो कर्थलोमै भिड
तिमी नारा लाउन हिँड्दा
तिम्रा गोरु बाबैैले नार्छन् र !!
भोट हालिदिनु थियौ हालिदियौ
उनका आश्वासनको प्रलोभनमा
आफ्नो उनको पर्न लागेको छिँड टालिदियौ
उनलाई पाँच वर्षका लागि पालिदियौ
यसको बदलामा
तिम्रा अभावको ढुङ मार्छन् र !!
नारा खाएर अघाइन्न
नारा र जुलुसमा हिँड्नेले
खालो सार्छन् र !!
तिमीलाई वैतर्णीबाट तार्छन् र !!
०००
भद्रपुर, झापा