नेपाली हास्यव्यङ्ग्य अनलाइन पत्रिका

अचानक सपनामा जेल घुम्न गएँ
थरिथरी दोषीहरू त्यहाँ भेट भए

कोही रैछन भ्रष्टाचारी कोही ज्यानमारा
पौरखको कुरा गर्थे अपराधी सारा

डाँका भन्थ्यो चोरलाई लुकी चोर्ने कायर
हिम्मतले खानुपर्छ परे गर्दै फायर

ज्यानमारा भन्दै थियो अरु कति मर्थे
बेलैमा जेल कोची हाले नत्र फेला पर्थे

पर्खाइ थियो कैद माफी मिलाएर छुट्ने
नेता आशा गर्दै थियो सहमति जुट्ने

यत्तिकैमा ब्युँझेछु म झस्किएर पिरमा
सजायको फितलोपन चिन्ता लिँदै शिरमा ।।

०००