होम सुवेदीआओ क्रान्तिवीर झोलेहरू हो !
माल देओ माला मगाओ फूल झिकाओ माला उद्योग खोल गाउँ गाउँमा माला उद्योग खोल बस्ती बस्तीमा माला कारखाना खोल ।
आओ
तिघ्रा नकमाओ
क्रान्तिगीत गाओ
खैँजडी बजाओ
बारी खेत र टोल टोल
माला उद्योग खोल
बजाऊ ढोल
जिन्दाबाद बोल
मालाको कमी हुन लाग्यो
मालाको उद्योग कारखाना खोल
मनको माला चाहियो
टनको माला चाहियो
क्विन्टलको माला चाहियो
तिम्रा धतङ्गाले चुनाब जितिसक्यो
माला चाहियो
खादा चाहियो
अब चाहियो
भोलि अर्काले जित्छ
माला चाहियो
विदेशबाट माला झिकाओ
मालाको कमी हुन नदेओ
माल देओ
माला मगाओ
फूल झिकाओ
माला उद्योग खोल
गाउँ गाउँमा माला उद्योग खोल
बस्ती बस्तीमा माला कारखाना खोल
धतङ्गाले जितिसक्यो
बेला बितिसक्यो
माला चाहियो माला चाहियो
माला उद्योग खोल
माला उद्योग खोल ।।
०००
भद्रपुर, झापा
