नेपाली हास्यव्यङ्ग्य अनलाइन पत्रिका

अब कहिले लेख्दिन सरकार !!!
तिमीले देश बेचेको कथा ।

खै कसरी लेखूँ त सरकार !
देश डुबेको बेला बारमा तिमीले पिएको कथा ।

खै कसरी लेखूँ त सरकार !
देश दुःखेको बेला तिमीले दोहोरी खेलेको कथा ।

खै कसरी लेखूँ त सरकार !
देश रोएको बेला तिमी बजेट बोकेर हाँसेको कथा ।

खै कसरी लेखूँ त सरकार !
खाडीको मजरामा छोरोे बन्दी परेको कथा ।

खै कसरी लेखूँ त सरकार !
छिमेकीले छोरी बलात्कार गरि चिच्याएको कथा ।

भो, अब कहिले लेख्दिन सरकार !
कपुत सन्तानले मेरी आमा बेचेको कथा ।।

०००
रातोपुल, काठमाडौं