यहाँ के छैन ?

यहाँ के छैन ?

यहाँ नेताको खोलमा खुङ्ग्खार ब्वाँसा लुकेको छैन कि साधुहरू खोरमा बलात्कारीहरू मोजमा छैन कि के अझै भन्नुपर्‍यो ? तपाईं अझै ङ्गिच्च हाँस्तै हुनुहुन्छ कि तपाईं नेता हो ?

तपाईं किन फट्याइँ बोल्दै हुनुहुन्छ
यो देशमा के छैन
अहिले पट्याङ्ग दिउँला
आज मेरो हात चिलाइ रहेको बेला
राम्ररी सुन्नू
इमानदारी साथ भन्नुपर्दा
कुखुरोले बास्नुअघि
भट्टीको द्वारमा घुइँचो छैन कि
एक छाक खान तयार छन् तर
हातमा महँगा मोबाइल छैन कि
दिनभरी काम गर्‍यो
बेलुकी पख
भट्टी साहुनीलाई बुझाउने दस्तुर छैन कि
बालबालिकाका लागि बाँडिएको
पौस्टिक आहार खाने स्कुलका शिक्षक शिक्षिका
छैन कि
शपथ लिनु अघि इमानदारीताको गान
र पछि जनताको चौटामासु सितन बनाइ खाने
महान नेता छैन कि
यहाँ नेताको खोलमा खुङ्ग्खार
ब्वाँसा लुकेको छैन कि
साधुहरू खोरमा
बलात्कारीहरू मोजमा छैन कि
के अझै भन्नुपर्‍यो ?
तपाईं अझै ङ्गिच्च हाँस्तै हुनुहुन्छ
कि तपाईं नेता हो ?
नभए तपाईं लठुवा कार्यकर्ता चै हुनैपर्छ ।