नेपाली हास्यव्यङ्ग्य अनलाइन पत्रिका

यहाँ कानाननै ताल छन् ।
लाहरू मात्र बेताल छन् ।
नाफाखोरी मालामाल छन् ।
दुःखी दरिद्री बेहाल छन् ।
प्रशासकहरूको दहाड छ ।
भ्रष्टाचारको पहाड छ ।
गुण्डाको पहरा छ ।
जतासुकै मलमुत्रको छहरा छ ।
यस्तै यस्तै विशेषको ।
नेपालमा एउटा पोखरा छ ।

नेताहरू नेताको खुट्टा तान्छन् ।
जनताको मुखमा लात्तीले हान्छन् ।
आफूलाई देशको सेवक ठान्छन् ।
समसाँझै गाँजा चरेश खान्छन् ।
समाजसेवीको देखाउँछन् नखरा
नेपालमा एउटा ठाउँ छ पोखरा ।

पर्यटकहरू प्रायः बौलाउँछन्
(मादक पदार्थ खाएर)
गुण्डाहरू जति मौलाउँछन् ।
नेताहरू बीच गुण्डा पालापाल
विकासे रकम जति फालाफाल
प्रशासकहरू रमिता हेर्ने
जनता जनार्दनलाई कसले टेर्ने ?
हात नहुनेहरूको लामो नङ्ग्रा
जो बोल्छ उसैको सेकिने बङ्गारा
यस्तै यस्तै गौरवमयी
नेपालमा छ एउटा पोखरा ।

०००
‘यमराजको निम्तो’ (२०५४)