सुभाषचन्द्र देवकाेटालौन कारबाही होस् !
आफ्नै रङ्ग भनेर के गर्नु ! एउटै जात भनेर के गर्नु ! आँगनको छेउ नै बेचेर खाएछ ! पँधेराको पानीको मूल नै मर्काएछ ! त्यसले त गर्नुसम्म गर्यो ! इज्यत बचाउनै गाह्रो भो ! लौन उसलाई कारबाही होस् !
उसले दिनलाई रात पार्यो !
हाम्रो सपनाको दिनदहाडै हत्या गर्यो !
हामीलाई मर्नु न बाँच्नु बनायो !
लौन उसलाई
कारबाही होस् !
कुरा त राम्रै गथ्र्यो !
तर भकारी फोर्ने चोर परेछ !
शत्रुको साँठगाँठमा,
आफ्नै घरमा आगो झोसेछ !
त्यसले त बर्बाद नै पार्ने भो !
लौन उसलाई
कारबाही होस् !
देख्नलाई त राम्रै थियो !
तर आफ्नै बाबुको हुर्मत लिने
पातकी पो रैछ !
आफ्नै भाइलाई बेदखल गर्ने
भातमारा रहेछ !
आफ्नै घर पोल्ने विभिषण परेछ !
त्यसले त गर्नुसम्म गर्यो !
लौन उसलाई
कारबाही होस् !
आफ्नै रङ्ग भनेर के गर्नु !
एउटै जात भनेर के गर्नु !
आँगनको छेउ नै बेचेर खाएछ !
पँधेराको पानीको मूल नै मर्काएछ !
त्यसले त गर्नुसम्म गर्यो !
इज्यत बचाउनै गाह्रो भो !
लौन उसलाई
कारबाही होस् !
०००
गोरखा, हालः चाँदीबजार, धनकुटा
Subscribe
Login
0 Comments
Oldest
