नेपाली हास्यव्यङ्ग्य अनलाइन पत्रिका

घुमे झैं किलामा सियो जो घडी यो
फसायो दलोमा उतै पो हरायो
उताको यता भो यताको करायो
उनासी बिदा भै असी साल आयो ।१

खडेरी परेको धपक्कै बलेको
छ यो घाम चर्को सबै भो जलेको
कतै चुस्स पर्दै छ नाता जनायो
उनासी बिदा भै असी साल आयो ।२

हरामी छ सत्ता खरानी उडायो
गुलामी छ मान्छे पराया गुहा-यो
मलामी उतैको कलोमा रमायो
उनासी बिदा भै असी साल आयो ।३

दलाली सदाको मलामी जनायो
खुले लाल पट्टा कतै लेप लायो
थियो कालनेमी मझेरी गुमायो
उनासी बिदा भै असी साल आयो ।४

अझै लुट्न ताना बुनेको खरायो
यता कान बुच्चो लगायो डरायो
सबै देश खाए डकारेर आयो
उनासी बिदा भै असी साल आयो ।५

पराया खलोमा सितारा सजायो
विदेशी कुलोमा दलाली रजायो
गुप्ताङ्ग छोप्दै अझै नाच्न लाग्यो
उनासी बिदा भै असी साल आयो ।६

यता चोर पस्दा भदालो हरायो
भताभुङ्ग चाला भकारी लुटायो
दले धुन्धुकारी डकार्दै भलायो
उनासी बिदा भै असी साल आयो ।७

०००
चितवन