नेपाली हास्यव्यङ्ग्य अनलाइन पत्रिका

सम्पत्ति भ्रष्टजनका, अब थुत्नु पर्छ ।
मन्त्री प्रधान चिफका पनि बुझ्नु पर्छ ॥
जो पूर्व शासक प्रशासक दूत मुख्य ।
सम्पत्ति आर्जन गरीकन लिन्छ सुख्ख ॥

त्यस्ता धनाढ्य जबसम्म समाइँदैन ।
सम्मृद्धि उन्नति विकास त पाइँदैन ॥
काला कुवेर डन औ, नव-आढ्य को हो ?
जाँचेर कर्तुत निकाल, यथार्थ के हो ??

कोरा उखान-मुहरा, अब बेच्न हुन्न ।
गर्जेर भाषण बुनेर, विकास हुन्न ॥
साला र भानिज समर्थक आफू- आफ्ना ।
पैलो परीक्षण गरी, अनि भिर्नु तक्मा ॥

ठेक्दार भ्रष्ट जति छन्, सुदखोर डाँका ।
भू-माफिया नर दलाल किला र काँटा ॥
लौ पक्षपात नगरी, अब ठोक्नु दण्ड ।
त्यै शूर नायक हुनेछ महा-प्रचण्ड ॥

०००
धादिङ