होम सुवेदीराँगो चाहियो
लोते राँगाको भर रहेन लोते राँगो भैँसी छाडी कतै गएन लोते राँगो लगाउनुको कुनै विकल्प थिएन तर त्यसले काम दिएन सबै भैँसी थारै रहने भए खेरै जाने भए आइँ ...... आइँ .... आइँ ।
आइँ…. आइँ …. आइँ
तेरै होला दाइँ
आइज अर्ना आइज
जङ्गल छोडेर
धाइफल तोडेर ॥
सहरमा डम्म छ घाँस
कति खान्छस् जङ्गलको काँस
न मिठो एक छाक
न मसिनो एक गाँस
जङ्गलओडारको बास
कति चिल्दो हो डाँस
जवानीको नाश
आइँ …. आइँ …. आइँ
तेरै होला दाइँ
आइज अर्ना आइज
जङ्गल छोडेर
धाइफल तोडेर ॥
गोठका भैँसी थारै परे
गाउँका राँगा मम पाके
कति राँगा विदेश लागे
कति राँगा यसै भागे
कति राँगाले पर्खाल नागे
भएजति तेरै भाग्य जागे
आइँ …… आइँ ….. आइँ
तेरै होला दाइँ
आइज अर्ना आइज
जङ्गल छोडेर
धाइफल तोडेर ॥
भैँसी भने भैँसी रोज्जा
पाडी भने पाडी रोज्जा
र्याल बगाउने बूढा राँगाले भएन
लोते राँगाको भर रहेन
लोते राँगो भैँसी छाडी कतै गएन
लोते राँगो लगाउनुको
कुनै विकल्प थिएन
तर त्यसले काम दिएन
सबै भैँसी थारै रहने भए
खेरै जाने भए
आइँ …… आइँ …. आइँ ।
०००
भद्रपुर, झापा
Subscribe
Login
0 Comments
Oldest
