साइबर अपराध सम्बन्धी सचेतना सामग्री

मान्छे (श्रृङ्खला १००)

हाम्रा आलयका प्रधान जनका, नेतृत्व खस्क्यो भने । डुब्ला त्यो घरबार चल्छ कसरी, मान्छे गनायो भने ॥ त्यस्तै हालतको कथा मुलुकमा, बढ्दो छ दैनन्दिन । मान्छे हैकमबाट शासक बनी, धर्ती रुवाए किन ॥

Nepal Telecom ad

के.पी.पौडेल

कस्तो काण्ड चल्यो यहाँ मुलुकमा, नौलो कहानी बन्यो ।
मान्छे ठालु उदात्त शासक बन्यो, हर्ता र कर्ता बन्यो ॥
मन्त्री शासक बन्छु रम्छु म भनी, शार्दूल प्राणी बन्यो ।
नेपाली जनता लुट्यो दनुजले, कस्तो खुगन्धे बन्यो ॥-१

हाम्रा वीर भुटानको मुलकको, थाङ्ने बनायौ किन ?।
नेपाली जनता अरू मुलुकका, ढाक्रे बनायौ किन ?॥
कस्तो नाटक उग्र चाल रचियो, साह्रै अधर्मी बन्यौ ।
अन्तर्राष्ट्रिय विश्वमञ्च थलमा, बेजोडले नाङ्गियौ ॥-२

काला कर्तुतले यहाँ मुलुकमा, ढाक्यो डँढेलो सरि ।
सेवा गर्छु भनेर आज कसरी, बन्छौ कसाई सरि ॥
तिम्रा भ्रष्ट कुकर्मका कदमले, साह्रै अँध्यारो भयो ।
लुट्ने शिल्प र होडका कहरले, यो देश खोक्रो बन्यो ॥-३

उम्दा शीर्षक सान मान पदमा, पुग्ने कला सिक्दछन् ।
छोरा नाति पनातिका जननका, सारा भुँडी भर्दछन् ॥
पुस्ता सात तकै बनून् अमिरझैँ, भन्ने इरादा धरी ।
मान्छे शासक उच्च नायक बने, नाना उपद्रो गरी ॥-४

हाम्रा आलयका प्रधान जनका, नेतृत्व खस्क्यो भने ।
डुब्ला त्यो घरबार चल्छ कसरी, मान्छे गनायो भने ॥
त्यस्तै हालतको कथा मुलुकमा, बढ्दो छ दैनन्दिन ।
मान्छे हैकमबाट शासक बनी, धर्ती रुवाए किन ॥-५

गाईको दुधको मिठास पनले, बाच्छो पिछा गर्दछ ।
रोगी होस् कमजोर होस् सकस होस्, आशा खुबै गर्दछ ॥
मोटा गौ सरि छन् ल शासक यहाँ, भोकै मरे शासित ।
हाम्रा सन्तति ती युवा र वनिता, हुन्छन् सधैँ आजित ॥-६

०००
बट्टार, नुवाकोट
हालः-बालाजु, काठमाडौं ।

Subscribe
Notify of
guest

0 Comments
Oldest
Newest Most Voted
Nepal Telecom ad
लेखबहादुर

लेखबहादुर

नन्दलाल आचार्य
चम्चाको चमत्कार

चम्चाको चमत्कार

डा. बमबहादुर जिताली
ऐ जिन्दगी ! खबरदार !

ऐ जिन्दगी ! खबरदार...

लक्ष्मण नेवटिया
चैतकाे बाँदर

चैतकाे बाँदर

रामप्रसाद पन्थी
0
Would love your thoughts, please comment.x
()
x