सुभाषचन्द्र देवकाेटाभाउजूको जयहोस्…
विचरा दाज़ी, सिरक ओडेर मह चाट्ने, घिउलाटो ! भाउजूको अगाडि ! शिर निहुराउनु हुन्छ ! तर कागको फूल चोर्ने भाउजूलाई भने, न वरत्रको चिन्ता छ न परत्रको सरोकार छ ! भाउजू खानदानी हुनुहुन्छ ! पिठोले चामल साट्नु हुन्छ !
सुभाषचन्द्र देवकोटा
भाउजू !
नाकमा हिराको फुली लगाउनु हुन्छ !
हातमा आइफोन बोक्नु हुन्छ !
ब्रान्डेड ब्याग हातमा झुन्ड्याउँदै !
किच्च हाँस्नु हुन्छ !
दाजी त सोझो मान्छे गाउँको !
तर भाउजू बिछट्ट बाठी !
खानदानी !
पदले त दाजी नै ठूलो हो नि !
तर भाउजूको कुरा,
दाजीले काट्न सके पो !
दाजी सोझो,
भाउजूले औँलामा नचाउनु भएको छ !
मुट्ठीभित्र कर्यापकुरुप पार्नु भएको छ !
विचरा…. दाज़ी !
पदले ठूलो भएर के गर्नु ?
मानले ठूलो भएर के गर्नु ?
भाउजूको अगाडि,
गडुरको छाँया परे जस्तो !
रुझेको बिरालो जस्तो !
भाउजू खन्दानी,
धूर्त र चलाख हुनु हुन्छ !
सम्पतिको भोगी र रोगी हुनुहुन्छ !
राजनीतिको व्यापारमा अब्बल हुनुहुन्छ !
राजा मिदाश जस्तै सुनै सुनको सपना देख्नु हुन्छ !
विचरा दाज़ी,
सिरक ओडेर मह चाट्ने, घिउलाटो !
भाउजूको अगाडि !
शिर निहुराउनु हुन्छ !
तर कागको फूल चोर्ने
भाउजूलाई भने,
न वरत्रको चिन्ता छ
न परत्रको सरोकार छ !
भाउजू खानदानी हुनुहुन्छ !
पिठोले चामल साट्नु हुन्छ !
०००
गोरखा
Subscribe
Login
0 Comments
Oldest
