अन्जु शर्माधिक्कार गणतन्त्र !
त्यतिले पनि नपुगेर तिमीले त जनतालाई शरणार्थीको नाममा विदेशी नागरिक बनाएर बेच्यौ ।
अन्जु शर्मा
गणतन्त्र तिमीले आफैं
सदनमा भनेको हैन ?
देश पूणर्तः समृद्ध भयो
अब रगतको खोला बग्ने छैन
चेलीको सिंदुर पुछिने छैन
कोही बालख टुहुरो हुने छैन ।
कृषिमा हरित क्रान्ति हुनेछ
कोही भोकले मर्ने छैन
प्राकृतिक तथा मानवीय श्रोतको
परिचालन हुनेछ
देशमा रोजगार सृजना हुनेछ
अभाव र गरिबी घटेर जानेछ
अनि देश विश्व मानचित्रमा
स्वाभिमानको रूपमा चिनिनेछ ।
धिक्कार गणतन्त्र !!
तिमीले भाषा, संस्कृतिसँगै
देश टुक्राटुक्रा बनायौ
सिउँदोमा सिंन्दुर भर्ने युवा
भेडाकै मूल्यमा विदेशतिर बेच्यौ
बाला झुल्ने जमिन बाँझो बनाई
आमालाई भिख माग्न बाध्य पार्यौ
त्यतिले पनि नपुगेर तिमीले त
जनतालाई शरणार्थीको नाममा
विदेशी नागरिक बनाएर बेच्यौ ।
०००
रातोपुल, काठमाडौं
२०८० जेठ १०
