नेपाली हास्यव्यङ्ग्य अनलाइन पत्रिका

दुर्गा रिमाल अधिकारी :

तपाईं भद्र मान्छे
कसैसँग मिथ्या बोल्नुहुन्न
कसैलाई अपहेलना गर्नुहुन्न
कसैसँग जोरी खोज्नुहुन्न
चोकचोकमा बसेर
कसैको कुरा काट्नुहुन्न
त्यसकारण सबैले
तपाईंलाई खूब मन पराउँछन्

जगिर खाएको दुई वर्षमा
पाँचतले घर बनाउनु भयो,
भन्नुहुन्छ- म भ्रष्टाचार र्गिर्दन,
घूस खाँदैखान्न,
म घुस र भ्रष्टाचारीलाई
बाँकी राख्दै राख्नुहुन्न ।

कणर्ालीमा भोकै बसेका
जनतालाई म खुवाउँछु,
जनताको गाँसबास र कपासको
ग्यारेन्टी म गर्छु,
म लड्छु र लडाउँछु,
त्यसैले भन्नुहुन्छ,
म बान्धवसँग मैत्रीभाव राख्छु, ।

बैंकमा एक अरब पैसा छ
तर म आफ्नो लागि केही राख्दिन,
भन्नुहुन्छ- सादा जीवन उच्च विचार
कोही मगन्ने आयो भने दिनुहुन्न,
सन्तमहन्तको आशीर्वाद पनि लिनुहुन्न,
दान धर्म पूजापाठ गर्नुहुन्न,
भन्नुहुन्छ- मन सङ्लो पार्नुपर्दछ ।

त्यसैले तपाईंजस्तो महाशयको
यो देशमा अत्यन्त खाँचो छ ।
तपाईं जस्ता महाशय
संसारमा कहाँ भेटिन्छ ?

०००
कलङ्की- १४, काठमाडौं