नेपाली हास्यव्यङ्ग्य अनलाइन पत्रिका

दिव्य गिरी :

तिमीले युवा युवती बेच्नु हुने
तिमीले देशको स्वाभिमान बेच्न हुने
तिमीले देशको इतिहास बेच्न हुने
तिमीले देशको भूगोल बेच्न हुने
तिमीले देशको धर्म बेच्न हुने
तिमीले देशको संस्कृति बेच्न हुने
मैले मान्छे बेच्न किन नहुने ?

हो, मैले सक्कलीलाई नक्कली बनाएर बेचेँ
हो, मैले आफ्नो देशको नागरिकलाई
अर्काको देशको शरणार्थी बनाएर बेचें
सरकारमा बस्नेले सबैथोक बेचेका छन्
सरकारमा बस्नेले उद्योगधन्दा बेचेका छन्
सरकारमा बस्नेले काण्डैकाण्ड गरेका छन्
सत्ता र शक्ति हुनेले जे पनि गर्न हुने
अनि मैले चाहिँ केही गर्न नहुने ?
सरकारले इमान बेच्न हुने
सरकारले स्वाभिमान बेच्न हुने
सरकारले इज्जत बेच्न हुने

म गरीब जनताले पसिना बेच्न नहुने ?
म गरीबको छोराले रगत बेच्न नहुने ?

०००
काठमाडौं