टङ्कबहादुर आलेके के बिग्रियो !
अंशमा नमिलेर झर्के थाल बिग्रियो डिस्कोको प्रवेशले समला ताल बिग्रियो । गाँस्नु नजानेर पहारी बिग्रियो छास्नु नजानेर देशको छाहरी बिग्रियो ।
टङ्कबहादुर आले :
बाउ बिग्रियो अनि माउ बिग्रियो
समयमा उपचार छैन घाउ बिग्रियो ।
दाइ बिग्रेर सँगै भाइ बिग्रियो
अङ्ग्रेजी नजान्नेको कोट टाई बिग्रियो ।
पति पत्नीको कुबुद्धिले घर बिग्रियो
कुयोजनाको लहै लहैले देशको शहर बिग्रियो ।
भाषा संस्कृति हाम्रो भेष बिग्रियो
बान्न नजान्दा जुत्ताको लेस बिग्रियो ।
बर्गर पिज्जा आदिले ढुङ्गेरोटी बिग्रियो
विकास राम्रै हो र पनि पहाडको चोटी बिग्रियो ।
खान नजान्दा पधुवा बिग्रियो
हाम्रो मायाले यता अगुवा बिग्रियो ।
हाँस उठ्दो उसको चाल बिग्रियो
भ्रष्टताले बहादुरको ढाल बिग्रियो ।
अंशमा नमिलेर झर्के थाल बिग्रियो
डिस्कोको प्रवेशले समला ताल बिग्रियो ।
गाँस्नु नजानेर पहारी बिग्रियो
छास्नु नजानेर देशको छाहरी बिग्रियो ।
०००
त्रियुगा नगरपालिका- ११
उदयपुर
Subscribe
Login
0 Comments
Oldest
