सुभाषचन्द्र देवकाेटाको हौ तिमी ! मेरो नाम राख्ने ?
हाम्री बजूले टेकेको यो माटो ! हाम्रा बाजेले पसिना पोखेको यो पाटो ! मलाई जीवन भन्दा प्रिय लाग्छ ! त्यसैले म ! माटो उठाएर कसम खान्छु ! तिम्रो मालिकले राखिदिएको नाम आजैबाट बहिस्कार गर्छु !
सुभाषचन्द्र देवकोटा :
को हौ तिमी ?
मेरो अस्तित्वमाथि धावा बोल्ने ?
मेरा आमा र बाको !
रक्त सम्बन्ध बिरोधी !
मेरो नाम राख्ने ?
म बिरोध गर्छु,
तिम्रो यो अनधिकृत हर्कतको ।
पुर्खाको कसम खाएर,
घोषणा गर्छु !
चर्को आवाजमा भन्छु !
म तिम्रो मालिकले राखिदिएको नाम,
बहिस्कार गर्छु !
तिमीसँग सत्ताको लाठी छ !
बन्दुक छ !
बजार, हाम्रा शिरमाथि लाठी !
ठोक, हाम्रा छातीमाथि गोली !
तर म मेरो बाजेको कसम खाएर भन्छु !
म तिम्रो मालिकले राखिदिएको
नाम बहिस्कार गर्छु !
हाम्री बजूले टेकेको यो माटो !
हाम्रा बाजेले पसिना पोखेको यो पाटो !
मलाई जीवन भन्दा प्रिय लाग्छ !
त्यसैले म !
माटो उठाएर कसम खान्छु !
तिम्रो मालिकले राखिदिएको नाम
आजैबाट बहिस्कार गर्छु !
०००
४ चैत्र, २०७९
गोरखा
