आर.आर. चौलागाईंब्यानरमा कम्युनिस्ट
जब कुर्सी थिएन उनीहरू कत्ति मिलेका थिए जब महल थिएन उनीहरू कत्ति बलिया थिए जब सम्पत्ति थिएन उनीहरू कत्ति नम्र थिए । किनकि हिजो उनीहरू कम्युनिस्ट थिए ।
आर. आर. चौलागाईं :
जब कुर्सी थिएन उनीहरू ठीक थिए
जब महल थिएन उनीहरू ठीक थिए
जब सम्पत्ति थिएन उनीहरू ठीक थिए ।
कुर्सी पाएपछि उनीहरू हौसिए
महल बनेपछि उनीहरू मात्तिए
सम्पत्ति भएपछि उनीहरू पुलपुलिए ।
कुर्सी पाएपछि उनीहरू सिद्धान्तबाट हराए
महल बनेपछि उनीहरू विचारबाट अस्ताए
सम्पत्ति भएपछि उनीहरू आदर्शबाट टकटकिए ।
जब कुर्सी थिएन उनीहरू कत्ति मिलेका थिए
जब महल थिएन उनीहरू कत्ति बलिया थिए
जब सम्पत्ति थिएन उनीहरू कत्ति नम्र थिए ।
किनकि हिजो उनीहरू कम्युनिस्ट थिए
तर आज उनीहरूसँग कम्युनिस्ट लेखेको ब्यानर मात्रै बाँकी छ ।
०००
हेटौँडा
Subscribe
Login
0 Comments
Oldest
