नेपाली हास्यव्यङ्ग्य अनलाइन पत्रिका

घनश्याम रेग्मी :

हाम्रा नेता कस्ता खाले
पालै पालो झालेमाले
चिन्डो आफ्नै फोर्ने खाले
आफ्नै पार्टी फोर्छन् बाले ।

खिस्सा आए खास्सा खास्सा
ठ्याक्कै ठ्याक्कै गाँस्दा भाँच्दा
टुक्का भन्दै नाच्दै गर्दा
पटकै पिच्छे ठोकिन पर्दा ।

जम्मै बा बा भन्दै कुर्ले
लेऊ बाको भाग्यै जुर्ने
दिन्छन् खै के खोक्ने मात्र
गनमन गनमन भन्ने मात्र ।

मानेँ मानेँ मैले मानेँ
बन्दुक ठोकी यतै तानेँ
हामीलाई यस्तै लाछ
जे जे भन्छौ त्यस्तै भाछ ।

फोर फोर पार्टी फोर
उस्तै भए कुखुरा चोर
होली वाइन् पूजा गर्दै
सुनका डल्ला पितल पार्दै ।

जात्रै जात्रा घोडेजात्रा
मान्छे जात्रा पार्टी जात्रा
नेता साँढे हान्ने जस्ता
दीक्षित गर्ने कस्ता कस्ता ?

०००
भरतपुर- ५, चितवन
हाल – बैजनाथ- १, चिसापानी, बाँके